قائداعظم محمد علی جناح کی بہن فاطمہ جناح کی آج سالگرہ منائی جا رہی ہے

بانیِ پاکستان قائد اعظم محمد علی جناح کی ہمشیرہ اور مادرِ ملت محترمہ فاطمہ جناح کی سالگرہ عقیدت و احترام سے منائی جا رہی ہے۔ محترمہ فاطمہ جناح 31 جولائی 1893 کو کراچی کے بمبئی بازار میں پیدا ہوئیں اور 1919 میں کلکتہ یونیورسٹی سے ڈینٹل سرجری کی ڈگری حاصل کر کے پیشہورانہ صلاحیتوں کا لوہا منوایا۔ 1929 سے قائد اعظم کے شانہ بشانہ کھڑی ہو کر انہوں نے برصغیر کی مسلمان خواتین کو بیدار کیا اور قیامِ پاکستان کے بعد ‘ویمنز ریلیف کمیٹی’ کی بنیاد رکھ کر مہاجرین کی آباد کاری اور ملک کی تعمیرِ نو میں کلیدی کردار ادا کیا۔ 1960 کی دہائی میں بھی وہ جمہوریت کی بحالی کی مضبوط آواز بن کر ابھریں۔ قوم تحریکِ آزادی اور جمہوری جدوجہد میں ان کی عظیم قربانیوں پر انہیں خراجِ تحسین پیش کرتی ہے۔