LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار پرتگال کے وزیر مملکت اور وزیر خارجہ پاؤلو رینجل پاکستان پہنچ گئے لاڑکانہ میں ضمنی بلدیاتی انتخابات کیلئے 3 حلقوں میں پولنگ کا عمل شروع پاکستان کی بھارت سمیت تمام ایس سی او ممالک کو مکالمے کی دعوت پاسدارانِ انقلاب کا ڈرون حملوں میں امریکی پیٹریاٹ نظام کے 2 ریڈار تباہ کرنے کا دعویٰ

بھارت میں مذہبی آزادی پر امریکی تشویش، ارکانِ کانگریس کا ٹرمپ انتظامیہ سے بڑا مطالبہ

Web Desk

20 December 2025

بھارت میں مذہبی پابندیوں اور اقلیتوں کے خلاف اقدامات پر امریکا میں تشویش بڑھنے لگی ہے۔ امریکی کانگریس کے ارکان اور امریکی کمیشن برائے عالمی مذہبی آزادی (USCIRF) کے اعلیٰ عہدیداروں نے اپنی حکومت سے مطالبہ کیا ہے کہ بھارت کو عالمی مذہبی آزادی ایکٹ کے تحت ’’خصوصی تشویش کا حامل ملک‘‘ قرار دیا جائے۔

عالمی خبر رساں ادارے کے مطابق، ری پبلکن رکن کانگریس وکی ہرزلر اور USCIRF کے نائب چیئرمین ڈاکٹر آصف محمود نے وزیر خارجہ مارکو روبیو کو مخاطب کرتے ہوئے کہا کہ بھارت میں مذہبی اقلیتوں کی صورتحال مسلسل بگڑ رہی ہے اور اس پر خاموشی اختیار نہیں کی جا سکتی۔

امریکی اخبار میں شائع ہونے والے ایک مشترکہ آرٹیکل میں رہنماؤں نے لکھا کہ چین میں مذہبی پابندیوں سے دنیا واقف ہے، تاہم افسوسناک امر یہ ہے کہ دنیا کی سب سے بڑی جمہوریت کہلانے والا بھارت بھی مذہبی آزادی کے حوالے سے سنگین سوالات کی زد میں آ چکا ہے۔

ان کے مطابق بھارتی حکومت مختلف ریاستوں میں نافذ مذہب تبدیلی کے خلاف قوانین کو مذہبی اقلیتوں کے خلاف استعمال کر رہی ہے، جس کے نتیجے میں سیکڑوں افراد کو گرفتار کیا گیا جبکہ مذہبی رہنماؤں پر بے بنیاد الزامات عائد کیے گئے۔

امریکی رہنماؤں نے نشاندہی کی کہ بھارت کی 12 ریاستوں میں مذہب تبدیلی کے خلاف قوانین موجود ہیں، جنہیں مسیحی اور مسلم برادری کے خلاف استعمال کیا جاتا ہے۔ انہوں نے یہ بھی کہا کہ متعدد واقعات میں مذہبی کشیدگی اور تشدد سامنے آیا، جس پر حکومت اور مقامی انتظامیہ کا کردار مثبت نہیں رہا۔

آرٹیکل میں گوا کی مثال دیتے ہوئے کہا گیا کہ ’لو جہاد‘ جیسے متنازع تصورات کی بنیاد پر سخت قوانین کی بات کی گئی، جو محض ہندو قوم پرستانہ پروپیگنڈا ہے۔ اسی طرح اتر پردیش میں ایک مسیحی پادری اور ان کی اہلیہ پر تعلیمی و فلاحی سرگرمیوں کے ذریعے زبردستی مذہب تبدیلی کے الزامات عائد کیے گئے، جو بعد ازاں بے بنیاد ثابت ہوئے۔

امریکی ارکان نے مدھیہ پردیش میں جبری مذہب تبدیلی کے الزام پر سزائے موت کی تجویز پر بھی گہری تشویش کا اظہار کرتے ہوئے اسے انسانی حقوق کے عالمی اصولوں کے منافی قرار دیا۔

امریکی رہنماؤں کا کہنا تھا کہ اگر بھارت امریکا کے ساتھ قریبی تعلقات چاہتا ہے تو اسے چاہیے کہ اقلیتوں کے خلاف قوانین ختم کرے اور عملی طور پر مذہبی آزادی کے عالمی اصولوں کی پاسداری کرے۔ ان کے مطابق مذہبی حقوق کا احترام نہ صرف بھارت کے اندرونی استحکام بلکہ عالمی ساکھ کے لیے بھی ناگزیر ہے۔

خیال رہے کہ یہ پہلا موقع ہے کہ پاکستانی نژاد امریکی مسلمان ڈاکٹر آصف محمود اس حساس امریکی کمیشن میں قیادت کے منصب پر فائز ہیں۔ ڈاکٹر آصف محمود کا تعلق ریاست کیلیفورنیا سے ہے اور وہ پاکستان کے شہر کھاریاں سے امریکا منتقل ہوئے تھے۔