بھارتی وزیر دفاع کا بیان مسترد، کسی بھی مہم جوئی کیلئے تیار ہیں: دفتر خارجہ

پاکستان نے بھارتی وزیرِ دفاع کے حال ہی میں سامنے آنے والے اشتعال انگیز بیانات کی شدید الفاظ میں مذمت کرتے ہوئے واضح کیا ہے کہ وہ کسی بھی ممکنہ بھارتی مہم جوئی کا سامنا کرنے اور اس کا منہ توڑ جواب دینے کے لیے مکمل طور پر تیار ہے۔ ترجمان دفترِ خارجہ کے مطابق بھارتی وزیرِ دفاع کا بیان مقبوضہ جموں و کشمیر کے تاریخی و قانونی حقائق کو مسخ کرنے کی کوشش ہے اور نئی دہلی کے بے بنیاد الزامات کا مقصد مقبوضہ وادی پر اپنے غیر قانونی قبضے اور ریاستی مظالم سے عالمی برادری کی توجہ ہٹانا ہے۔ بیان میں مزید کہا گیا ہے کہ بھارت خطے میں دہشت گردی کی سرپرستی کر رہا ہے اور عالمی برادری کو چاہیے کہ وہ بھارت کے اس جارحانہ رویے کا نوٹس لیتے ہوئے اقوام متحدہ کی سلامتی کونسل کی قراردادوں پر عملدرآمد نہ کرنے پر بھارت کا احتساب کرے۔