ایران جنگ میں اب تک 18 امریکی فوجی ہلاک، 624 زخمی ہوئے: پینٹاگون

امریکی محکمہ دفاع (پینٹاگون) نے ایران جنگ میں ہونے والے فوجی نقصانات کے تازہ ترین اعداد و شمار جاری کر دیے ہیں۔ اپنے ڈیفنس کیژولٹی اینالیسس سسٹم (DCAS) ڈیٹا بیس کو اپ ڈیٹ کرتے ہوئے پینٹاگون نے 140 سے زائد مزید زخمی اور 4 ہلاک شدہ امریکی فوجیوں کا اندراج کیا ہے۔ 28 فروری سے شروع ہونے والی اس جنگ اور 7 جولائی سے قائم ‘اوورسیز آپریشنز’ کیٹیگری کے اعداد و شمار ملا کر اب تک کل 18 امریکی فوجی ہلاک اور 624 زخمی ہو چکے ہیں، جو کہ پچھلی رپورٹ کی 482 زخمیوں کی تعداد سے نمایاں زیادہ ہے۔ ہلاک شدگان میں آرمی کے 11، ایئر فورس کے 6 اور نیوی کا 1 اہلکار شامل ہے، جبکہ زخمیوں میں آرمی کے 461، نیوی کے 86، ایئر فورس کے 58 اور میرینز کے 19 اہلکار شامل ہیں۔ واضح رہے کہ پینٹاگون کو گزشتہ دنوں میڈیا اور امریکی قانون سازوں کی جانب سے نقصانات کے اعداد و شمار کم دکھانے پر شدید تنقید کا سامنا کرنا پڑا تھا۔