ایران امریکا جنگ میں وقفے سے خام تیل اور قدرتی گیس کی قیمتوں میں نمایاں کمی

ایران اور امریکہ کے درمیان جاری جنگ میں عارضی وقفے کے باعث عالمی منڈی میں خام تیل اور قدرتی گیس کی قیمتوں میں شدید کمی ریکارڈ کی گئی ہے۔ برطانوی خام تیل (برینٹ) کی قیمت 5 فیصد کمی کے بعد 92 ڈالر فی بیرل پر آگئی ہے، جبکہ امریکی خام تیل (ڈبلیو ٹی آئی) کی قیمت بھی 5 فیصد گر کر 85 ڈالر فی بیرل پر ٹریڈ کر رہی ہے۔ متحدہ عرب امارات کے مربن کروڈ آئل میں 10 فیصد سے زائد کی بڑی کمی دیکھی گئی جس کے بعد اس کے سودے 97 ڈالر فی بیرل پر ہو رہے ہیں، جبکہ قدرتی گیس کی قیمتیں بھی 2 فیصد سے زائد گر گئی ہیں۔ عالمی ماہرین کا کہنا ہے کہ جنگ کے وقفے سے قیمتوں میں اتنی بڑی کمی ظاہر کرتی ہے کہ اگر تنازع برقرار رہا تو خام تیل 200 ڈالر فی بیرل تک جا سکتا ہے کیونکہ امریکہ کے پیٹرولیم ذخائر میں بھی تیزی سے کمی ہو رہی ہے۔