دشمن اب دباؤ کے ذریعے ایرانی قوم کے عزم کو کمزور نہیں کر سکتے، مشیر سپریم لیڈر

ایرانی سپریم لیڈر سید مجتبیٰ خامنہ ای کے فوجی مشیر میجر جنرل یحییٰ رحیم صفوی نے کہا ہے کہ ایران کے دشمن اب سیاسی اور معاشی دباؤ کے ذریعے قوم کے عزم کو کمزور کرنے میں ناکام رہیں گے۔ ایرانی میڈیا کے مطابق انہوں نے اپنے ایک بیان میں اس بات پر زور دیا کہ درپیش مشکل حالات کے باوجود ایرانی قوم کی مزاحمتی طاقت اور جذبے میں مزید اضافہ ہوا ہے۔ میجر جنرل صفوی نے مزید کہا کہ دشمنوں کی جانب سے سخت دباؤ اور پابندیوں کے باوجود ایران نے سائنس، ٹیکنالوجی، طب اور دفاع سمیت متعدد اہم شعبوں میں نمایاں پیش رفت اور ترقی حاصل کی ہے۔