گولہ بارود اور ہتھیاروں کا ذخیرہ موجودہ ضروریات سے کہیں زیادہ ہے، ٹرمپ

امریکی صدر ڈونلڈ ٹرمپ نے ملک میں فوجی اسلحے کے ذخائر میں کمی سے متعلق تمام خبروں کو یکسر مسترد کرتے ہوئے کہا ہے کہ امریکہ کے پاس گولہ بارود اور ہتھیاروں کا وافر ذخیرہ موجود ہے۔ وال سٹریٹ جرنل کو دیے گئے انٹرویو میں انہوں نے واضح کیا کہ موجودہ حالات میں ہتھیاروں کی تعداد ہماری ضرورت سے کہیں زیادہ ہے۔ دریں اثنا، صدر ٹرمپ نے اپنے سوشل میڈیا پلیٹ فارم “ٹروتھ سوشل” پر مصنوعی ذہانت (AI) سے تیار کردہ مختلف متنازع تصاویر شیئر کی ہیں، جن میں ایک ایرانی آئل ٹینکر پر قبضہ اور ایران کے اہم “خارگ” آئل ایکسپورٹ ٹرمینل پر امریکی جنگی طیاروں کی بمباری اور حملے کے مناظر دکھائے گئے ہیں۔