ثالثوں کے ذریعے پیغامات کا تبادلہ جاری، خودمختاری کا دفاع ترجیح ہے: ایران

ایرانی وزارتِ خارجہ کے ترجمان اسماعیل بقائی نے کہا ہے کہ پاکستان اور قطر سمیت ثالث ممالک کے ذریعے ایران اور امریکہ کے درمیان پیغامات کا تبادلہ جاری ہے، تاہم موجودہ صورتحال میں اپنی خودمختاری اور قومی سلامتی کا دفاع تہران کی اولین ترجیح ہے۔ آسٹریا کے نشریاتی ادارے کو دیے گئے انٹرویو میں انہوں نے بتایا کہ ایران نے مفاہمتی یادداشت کے تحت 30 روز کے اندر آبنائے ہرمز سے محفوظ بحری گزرگاہ کی شق پر مکمل عمل کیا، لیکن طے شدہ مدت ختم ہونے سے قبل امریکہ نے بحری جہازوں کے واقعات کو جواز بنا کر دوبارہ حملے کر دیے۔ ترجمان نے الزام عائد کیا کہ گزشتہ 1 سال کے دوران یہ 3 موقع ہے جب مذاکرات کے دوران امریکی حملوں سے سفارتی کوششوں کو دھوکا دیا گیا، جبکہ معاہدے پر امریکی صدر کے دستخط کے باوجود امریکہ ایران کے منجمد اثاثے بھی جاری کرنے میں ناکام رہا ہے۔