وزن کم کرنے والے انجیکشن بچوں کے لیے بھی محفوظ؟ تحقیق نے اہم اشارہ دے دیا

کینیڈا کے محققین کی ایک نئی جائزہ تحقیق اور میٹا اینالیسز کے مطابق شدید موٹاپے کا شکار 6 سال یا اس سے زائد عمر کے بچوں کو مخصوص حالات میں GLP-1 ویٹ لاس انجیکشنز (جیسے مونجارو یا ویگووی) سے نمایاں فائدہ پہنچ سکتا ہے۔ 6 سے 18 سال کی عمر کے 750 سے زائد بچوں پر کی گئی 9 مختلف تحقیقات کے تجزیے سے معلوم ہوا کہ یہ ادویات نہ صرف وزن کم کرنے میں مددگار ثابت ہوئیں بلکہ بچوں میں ہائی بلڈ پریشر میں کمی اور معیارِ زندگی کو بہتر بنانے میں بھی مؤثر رہیں۔ برطانیہ میں این ایچ ایس پہلے ہی سنگین طبی پیچیدگیوں کی صورت میں محدود شرائط کے تحت 18 سال سے کم عمر بچوں کو یہ ادویات تجویز کر رہا ہے۔ تاہم ماہرین نے خبردار کیا ہے کہ ان انجیکشنز سے بچوں میں متلی کا ضمنی اثر نسبتاً زیادہ دیکھا گیا ہے، لہٰذا ان کا استعمال صرف ماہر معالج کی زیرِ نگرانی اور مکمل طبی معائنے کے بعد ہی کیا جانا چاہیے۔