ایلون مسک کے دعوے نے ٹیکنالوجی کے میدان میں نئی بحث چھیڑ دی

دنیا کے معروف کاروباری شخصیت اور سپیس ایکس کے سربراہ ایلون مسک کے ایک منفرد دعوے نے ٹیکنالوجی اور مالیاتی میدان میں نئی بحث چھیڑ دی ہے۔ ایلون مسک کا کہنا ہے کہ اگر ان کی کمپنی اپنے طویل المدتی اہداف حاصل کرنے میں کامیاب ہو گئی تو اِس کی مجموعی مالیت پوری زمین کی معاشی قدر سے بھی زیادہ ہو سکتی ہے۔ انہوں نے سوشل میڈیا پلیٹ فارم ‘ایکس’ پر ایک صارف کو جواب دیتے ہوئے واضح کیا کہ سپیس ایکس کا بنیادی ہدف انسانوں کو زمین سے باہر چاند اور مریخ جیسے سیاروں پر مستقل آبادیاں قائم کرنے کے قابل بنانا ہے، جس کے لیے کمپنی کا ‘سٹار شپ پروگرام’ مرکزی حیثیت رکھتا ہے۔ دوسری جانب مالیاتی ماہرین اور تجزیہ کاروں کا کہنا ہے کہ مسک کا یہ بیان مستقبل کے امکانات پر مبنی ایک انتہائی پرجوش پیش گوئی ہے، جس کے عملی حقیقت بننے کا دارومدار خلائی معیشت کے فروغ، خلائی ٹیکنالوجی کی تیز رفتار ترقی اور سپیس ایکس کی طویل المدتی کامیابی پر ہوگا۔