میرا قتل ہوا تو ایران پر غیرمعمولی بمباری کی جائے گی۔ ٹرمپ

امریکی صدر ڈونلڈ ٹرمپ نے انکشاف کیا ہے کہ ان کا نام کافی عرصے سے ایران کی ہٹ لسٹ پر موجود ہے اور انہوں نے ہدایات جاری کر دی ہیں کہ اگر انہیں قتل کیا گیا تو ایران پر غیرمعمولی بمباری کی جائے۔ ’نیویارک پوسٹ‘ سے گفتگو کرتے ہوئے صدر ٹرمپ نے اس عزم کا اظہار کیا۔ دوسری جانب ایرانی پاسدارانِ انقلاب کے سربراہ بریگیڈیئر جنرل احمد وحیدی نے آیت اللہ علی خامنہ ای کی شہادت پر امریکہ اور اسرائیل سے شدید انتقام لینے کا باقاعدہ اعلان کرتے ہوئے کہا ہے کہ یہ واقعہ کبھی تاریخ سے مٹایا نہیں جا سکتا۔ اسی دوران امریکی اخبار ’وال اسٹریٹ جرنل‘ نے انکشاف کیا ہے کہ اسرائیل نے امریکہ کے ساتھ ایسی خفیہ انٹیلی جنس معلومات شیئر کی ہیں جن کے مطابق ایران نے صدر ٹرمپ پر قاتلانہ حملے کی نئی منصوبہ بندی شروع کر دی ہے، جس سے دونوں ممالک میں کشیدگی مزید بڑھنے کا خدشہ ہے۔ یہ پیش رفت ایسے وقت میں سامنے آئی ہے جب امریکہ نے آبنائے ہرمز میں فوجی مہم تیز کر دی ہے اور صدر ٹرمپ نے ایران کے ساتھ جنگ بندی کے خاتمے کا اعلان کیا ہے۔

ترکیہ میں نیٹو سربراہی اجلاس سے واپسی پر صدارتی طیارے ’ایئرفورس ون‘ میں صحافیوں سے گفتگو کرتے ہوئے ٹرمپ نے کہا کہ ایران والے قابو سے باہر ہو چکے ہیں لیکن وہ شدت سے کوئی نئی ڈیل کرنا چاہتے ہیں۔