حکومت نے پٹرولیم مصنوعات کی قیمتوں میں بڑا اضافہ کر دیا

حکومت کی جانب سے پٹرولیم مصنوعات کی قیمتوں میں ایک بار پھر بڑا اضافہ کر دیا گیا ہے، جس کا باقاعدہ نوٹیفکیشن پٹرولیم ڈویژن نے جاری کر دیا ہے۔ نوٹیفکیشن کے مطابق پٹرول کی قیمت میں 13 روپے 18 پیسے فی لٹر کا بھاری اضافہ کیا گیا ہے، جس کے بعد پٹرول کی نئی قیمت بڑھ کر 310 روپے 71 پیسے فی لٹر مقرر کر دی گئی ہے۔ اسی طرح، عوامی اور ٹرانسپورٹ کے شعبے میں سب سے زیادہ استعمال ہونے والے ہائی سپیڈ ڈیزل کی قیمت میں بھی 13 روپے 80 پیسے فی لٹر کا اضافہ کیا گیا ہے، جس کے بعد ڈیزل کی نئی قیمت 323 روپے 30 پیسے فی لٹر کی سطح پر پہنچ گئی ہے۔ قیمتوں میں اس اضافے کا اطلاق فوری طور پر نافذ العمل ہوگا۔