پاکستان کے خلاف عالمی سازشیں ہورہی ہیں: وزیر داخلہ بلوچستان

وزیر داخلہ بلوچستان ضیاء اللہ لانگو نے دعویٰ کیا ہے کہ پاکستان کے خلاف عالمی سطح پر ایک بڑی سازش کی جا رہی ہے۔ ایک نجی ٹی وی چینل کے پروگرام “ٹونائٹ ود ثمر عباس” میں خصوصی گفتگو کرتے ہوئے صوبائی وزیر داخلہ نے انکشاف کیا کہ اس سازش کے پیچھے بھارت اور اسرائیل پیسہ لگا رہے ہیں، تاہم انہوں نے واضح کیا کہ دہشت گرد جہاں کہیں بھی ہوئے، ان کے خلاف سخت ترین کارروائی عمل میں لائی جائے گی۔ ضیاء اللہ لانگو کا مزید کہنا تھا کہ صوبے میں امن و امان کے قیام اور دہشت گردوں کے خاتمے کے لیے سیکیورٹی فورسز کی جانب سے حکمت عملی کے تحت کارروائیاں جاری ہیں، جس کے تحت کہیں انٹیلی جنس بیسڈ آپریشنز (IBOs) کیے جا رہے ہیں تو کہیں باقاعدہ فل سکیل آپریشنز کا سلسلہ جاری ہے۔