ملک بھر کے صارفین کے لئے بجلی مزید مہنگی ہونے کا امکان

سینٹرل پاور پرچیزنگ ایجنسی (سی پی پی اے) نے کراچی سمیت ملک بھر کے صارفین کے لیے بجلی کی قیمتوں میں اضافے کی درخواست دائر کر دی ہے، جس کے تحت بجلی 27 پیسے فی یونٹ تک مہنگی ہونے کا امکان ہے۔ یہ اضافہ مارچ کی ماہانہ فیول پرائس ایڈجسٹمنٹ کی مد میں طلب کیا گیا ہے۔

نیشنل الیکٹرک پاور ریگولیٹری اتھارٹی (نیپرا) سی پی پی اے کی اس درخواست پر 28 اپریل کو سماعت کرے گی، جس میں اضافے کی حتمی منظوری دی جائے گی۔ دستاویزات کے مطابق مارچ کے لیے فی یونٹ فیول لاگت کا تخمینہ 7 روپے 99 پیسے لگایا گیا تھا، تاہم ایندھن کی اصل لاگت بڑھ کر 8 روپے 26 پیسے فی یونٹ تک جا پہنچی، جس کے باعث قیمتوں میں اضافے کی تجویز دی گئی ہے۔

اعداد و شمار کے مطابق مارچ میں مجموعی طور پر 8 ارب 93 کروڑ 90 لاکھ یونٹس بجلی پیدا کی گئی، جس میں پانی سے 23.55 فیصد، جوہری ایندھن سے 21.95 فیصد اور مقامی کوئلے سے 16.76 فیصد بجلی حاصل کی گئی۔ اس کے علاوہ درآمدی کوئلے، ایل این جی، گیس اور دیگر ذرائع بھی بجلی کی پیداوار کے لیے استعمال کیے گئے۔ نیپرا کی جانب سے منظوری کی صورت میں صارفین پر اربوں روپے کا اضافی بوجھ پڑے گا۔

ملک بھر کے صارفین کے لئے بجلی مزید مہنگی ہونے کا امکان

Web Desk

متعلقہ عنوانات

سٹاک مارکیٹ میں اتار چڑھاؤ، ہنڈرڈ انڈٰیکس منفی زون میں بند ہوا

افغانستان سے ملکر دہشتگرد حملہ آور ہوتے ہیں، خاتمے تک جنگ جاری رہے گی: شہباز شریف

نیشنل ایکشن پلان کی ایپکس کمیٹی کا اجلاس، وزیراعظم اور فیلڈ مارشل عاصم منیر شریک

مقدمہ جھوٹا اور بے بنیاد ہے، جیل بھیجنا ہے تو بھیج دیں؛ راولپنڈی عدالت کے باہر علیمہ خان کی گفتگو

صادق آباد احتجاج کیس: علیمہ خان کے صفائی کے گواہ کا بیان ریکارڈ

اینکر مرید عباس سمیت 2 افراد کا قتل کیس، عاطف زمان کو 2 بار سزائے موت کا حکم