توند نکلنے سے ایک اور سنگین مرض کا خطرہ بڑھ جاتا ہے، تحقیق

پیٹ اور کمر کے گرد چربی میں اضافے یا آسان الفاظ میں توند نکلنے سے صرف شخصیت ہی متاثر نہیں ہوتی بلکہ اس سے دل کو بھی سنگین نقصان پہنچ سکتا ہے۔

یہ بات ایک نئی طبی تحقیق میں سامنے آئی۔

جرمنی کے University Medical Center Hamburg-Eppendorf کی اس تحقیق میں بتایا گیا کہ جسمانی وزن چاہے کم ہو یا زیادہ، مگر پیٹ اور کمر کے اردگرد چربی جمع ہونے سے دل کی ساخت میں نقصان دہ تبدیلیاں آتی ہیں۔اس تحقیق میں 46 سے 78 سال کی عمر کے 2244 افراد کو شامل کیا گیا۔ان افراد کے جسمانی وزن کی جانچ پڑتال کی گئی جبکہ توند کی چربی کا جائزہ بھی لیا۔اس کے بعد ایم آر آئی اسکینز سے ان کی دل کی صحت کا تجزیہ کیا گیا۔تحقیق میں دریافت کیا گیا کہ توند نکلنے سے دل کے مسلز کی موٹائی بڑھ جاتی ہے جبکہ دل کے چیمبرز کا حجم گھٹ جاتا ہےتحقیق کے مطابق یہ تبدیلیاں مردوں میں زیادہ نمایاں ہوتی ہیں، خاص طور پر دل کی دائیں شریان میں، جو پھیپھڑوں کو خون پہنچاتی ہے۔محققین نے بتایا کہ اس سے دل پر تناؤ بڑھتا ہے اور یہ عندیہ بھی ملتا ہے کہ یہ اضافی چربی نظام تنفق اور پھیپھڑوں پر بھی اثر انداز ہوسکتی ہے۔انہوں نے مزید بتایا کہ تحقیق میں امراض قلب کا خطرہ بڑھانے والے عناصر کو مدنظر رکھنے کے بعد بھی مردوں کی دل کی ساخت میں اس فرق کو دریافت کیا گیا۔ان کا کہنا تھا کہ نتائج سے واضح ہوتا ہے کہ جسمانی وزن سے مردوں کی دل کی صحت زیادہ متاثر ہوتی ہے۔محققین کے مطابق توند اور دل کی صحت کے درمیان تعلق موجود ہے، چاہے جسمانی وزن جتنا کم یا زیادہ ہو۔