LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
عالمی پولیس سربراہی اجلاس اختتامی مرحلے میں داخل، اے آئی اور جدید پولیس ٹیکنالوجی مرکزِ نگاہ روس کے مفادات نظرانداز کرکے امن مذاکرات نہیں ہو سکتے، روسی وزارت خارجہ فلائی دبئی نے ریاض اور ابہا کیلئے پروازوں کی منسوخی میں 27 نومبر تک توسیع کر دی ہم اعتراف کرنے پر بلاول بھٹو کے مشکور ہیں: ایم کیو ایم کا چیئرمین پی پی کے بیان پر ردعمل ایران نے ’’ڈرٹی بم‘‘ سے متعلق امریکی میڈیا کی رپورٹس مسترد کردیں امریکا کا ایران پر واشنگٹن میں ڈرٹی بم حملے کی منصوبہ بندی کا الزام کراچی کسی کے باپ کی جاگیر نہیں، ہر پاکستانی کو یہاں ترقی میں حصہ لینے کا حق ہے: فاروق ستار پرویز الہٰی سے پی ٹی آئی کے ارکان اسمبلی کی ملاقات، سیاسی صورتحال پر تبادلہ خیال جامشورو کے گاؤں میں گیسٹرو اور ڈائریا کی وبا پھیل گئی، درجنوں کیسز رپورٹ مکہ دفاعی معاہدے کو ادارہ جاتی شکل دینے کیلئے نومبر میں اہم اجلاس ہوگا، ہاکان فیدان گھریلو ملازمہ فاطمہ ہلاکت کیس، شیری رحمان کا ملزموں کو قرار واقعی سزا کا مطالبہ عطا تارڑ طعنے نہ دیں، ہمت ہے تو کہیں پیپلزپارٹی کی ضرورت نہیں: شرجیل میمن میر رضا قتل کیس: جے آئی ٹی سربراہ کی اہل خانہ سے ملاقات، تفتیش میں پیشرفت سے آگاہ کیا ادویات کی بارکوڈنگ اور سیریلائزیشن لازمی قرار، ڈریپ کا اہم فیصلہ صوبوں کی تعداد 32 ہو یا 12، فیصلہ اتفاق رائے سے ہو گا: رانا ثنا اللہ

چند لوگوں کی انا کی تسکین کے لیے صوبوں کو آگ میں دھکیلا جا رہا ہے، تمام جماعتیں بلوچستان کے معاملے پر اکٹھی بیٹھیں: اسد قیصر

Web Desk

8 July 2026

سابق اسپیکر قومی اسمبلی اور پاکستان تحریک انصاف کے مرکزی رہنما اسد قیصر نے آل پارٹیز کانفرنس سے خطاب کرتے ہوئے ملک کی موجودہ سیاسی و امن و امان کی صورتحال پر سخت تشویش کا اظہار کیا ہے۔ انہوں نے تمام سیاسی قوتوں سے مخلصانہ اپیل کی ہے کہ وہ ملک کی بقا اور خاص طور پر بلوچستان کے سنگین مسئلے کے حل کے لیے ذاتی اختلافات بھلا کر ایک میز پر بیٹھیں۔

اسد قیصر نے وفاق اور مقتدر حلقوں کی پالیسیوں پر تنقید کرتے ہوئے کہا کہ “ہم سمجھتے ہیں کہ چند لوگوں کی اناؤں کی تسکین کے لیے صوبوں کو آگ میں دھکیلا جارہا ہے۔” انہوں نے تمام سیاسی جماعتوں سے التجا کی کہ خدا کے لیے اس ملک پر رحم کریں اور بلوچستان کے دیرینہ مسائل کو حل کرنے کے لیے سر جوڑ کر بیٹھیں۔ انہوں نے یقین دہانی کرائی کہ پی ٹی آئی بلوچستان کے امن کے لیے تمام جماعتوں کے ساتھ مل کر بیٹھنے اور ہر مثبت عمل کا حصہ بننے کے لیے تیار ہے۔

سابق اسپیکر نے صوبے میں اختیارات کی نچلی سطح پر منتقلی پر زور دیتے ہوئے کہا کہ بلوچستان میں ایک طاقتور اور بااختیار لوکل گورنمنٹ (بلدیاتی) سسٹم لایا جائے اور اس عوامی نظام کو اداروں کی مداخلت اور مخالفت سے مکمل پاک کیا جائے۔

صوبے کی معاشی صورتحال کا ذکر کرتے ہوئے اسد قیصر نے کہا کہ اس وقت سرحدی راستے (بارڈرز) بند پڑے ہیں جس کے باعث سرحد پار تجارت معطل ہے اور مقامی تاجروں و عوام کا بڑے پیمانے پر معاشی نقصان ہو رہا ہے۔ انہوں نے مطالبہ کیا کہ سرحدی تجارت کو بحال کر کے عوام کو ریلیف دیا جائے۔

اسد قیصر نے امن و امان کے قیام کے حوالے سے مقامی سیکیورٹی اداروں کو مضبوط بنانے پر زور دیتے ہوئے کہا کہ بلوچستان میں بدامنی کے خاتمے اور سیکیورٹی کی صورتحال کو بہتر بنانے کے لیے پولیس فورس کو جدید ترین وسائل، فنڈز اور معاونت فراہم کی جائے تاکہ وہ صوبے میں امن کو برقرار رکھنے میں اپنا مؤثر کردار ادا کر سکیں۔