LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
کرپشن، بدعنوانی عروج پر، کے پی میں گورننس نام کی چیز نہیں: عطا تارڑ ’اب بہت ہو گیا، بانی پی ٹی آئی سے ملاقات کرائی جائے‘؛ اپوزیشن اجلاس اسٹاک مارکیٹ کریش، 100 انڈیکس کی 3700 سے زائد پوائنٹس کی ریکارڈ تنزلی اربوں ڈالر کا سرپلس خسارے میں تبدیل، اپریل میں کرنٹ اکاؤنٹ 32 کروڑ ڈالر منفی ہو گیا، اسٹیٹ بینک گندم اور گیس کی ترسیل پر زیادتی ہو رہی ہے: گورنر، وزیراعلیٰ کے پی پاکستان کی ثالثی میں امریکا کے ساتھ مذاکرات کا عمل آگے بڑھ رہا ہے: ایران وزیرِ اعظم سے نیول چیف کی ملاقات، پاک بحریہ کے پیشہ وارانہ امور پر تبادلہ خیال حافظ نعیم الرحمان کا پٹرولیم لیوی کیخلاف وفاقی آئینی عدالت سے رجوع سی این جی بندش: وزیراعلیٰ کے پی کا وزیراعظم کو فوری گیس بحالی کیلئے خط اماراتی نیوکلیئر پلانٹ پر حملہ خطرناک، جوہری تنصیبات کو نشانہ نہ بنایا جائے: دفتر خارجہ اسحاق ڈار کا قطر کے وزیرِ مملکت خارجہ سے رابطہ، خطے کی صورتحال پر تبادلہ خیال ایران-امریکا کشیدگی اور آئی ایم ایف کی سخت شرائط کا اثر؛اسٹاک ایکسچینج کریش امریکا نے ایران کے لیے امن عمل کی 5 سخت شرائط مقرر کر دیں حکومت کے پہلے 25 ماہ میں وفاقی قرضوں میں 15 ہزار 714 ارب روپے کا ہوشربا اضافہ جنوبی وزیرستان لوئر میں وانا رستم بازار میں بم دھماکہ

افغان طالبان رجیم دہشتگردوں کی سہولت کاری بند کرے،ترجمان پاک فوج کا دو ٹوک اعلان

Web Desk

29 November 2025

ڈی جی آئی ایس پی آر نے 25 نومبر کو سینئر صحافیوں سے ملاقات میں ملکی سلامتی کی موجودہ صورتحال اور سرحدی چیلنجز سے متعلق اہم بریفنگ دی۔ انہوں نے بتایا کہ 4 نومبر 2025 سے اب تک 4,910 انٹیلی جنس بیسڈ آپریشنز کیے گئے جن میں 206 دہشتگرد ہلاک کیے گئے۔

ترجمان کے مطابق رواں سال ملک بھر میں 67,023 جبکہ خیبرپختونخوا میں 12,857 اور بلوچستان میں 53,309 انٹیلی جنس بیسڈ آپریشنز کیے گئے۔ڈی جی آئی ایس پی آر نے پاک افغان سرحد کی صورتحال پر بات کرتے ہوئے کہا کہ سرحد انتہائی مشکل اور دشوار گزار علاقوں پر مشتمل ہے جبکہ دنیا بھر میں بارڈر مینجمنٹ ہمیشہ دو ممالک مل کر انجام دیتے ہیں۔ انہوں نے واضح کیا کہ افغانستان سے پاکستان میں ہونے والی دراندازی میں افغان طالبان کی مکمل سہولت کاری شامل ہے۔ترجمان نے کہا کہ سیکیورٹی اداروں کے متعلق بارڈر مینجمنٹ پر گمراہ کن پروپیگنڈا کیا جاتا ہے، جبکہ نان کسٹم پیڈ گاڑیاں اکثر خودکش حملوں میں استعمال ہوتی ہیں۔ ان کا کہنا تھا کہ اگر لاکھوں نان کسٹم پیڈ گاڑیاں صوبے میں آزادانہ گھوم رہی ہیں تو ذمہ داری متعلقہ اداروں پر عائد ہوتی ہے۔ڈی جی آئی ایس پی آر کے مطابق افغانستان میں اب بھی دہشتگردوں کے مراکز موجود ہیں جہاں القاعدہ، داعش اور دیگر تنظیموں کی قیادت موجود ہے۔ انہوں نے سوال اٹھایا کہ “یہ کیسے مہمان ہیں جو مسلح ہو کر پاکستان آتے ہیں؟”انہوں نے بتایا کہ 2021 کے بعد افغانستان میں ریاست کی تشکیل ہونی چاہیے تھی مگر ایسا ممکن نہ ہوسکا۔ پاکستان نے تمام شواہد افغان حکام کے سامنے رکھ دیے ہیں جنہیں وہ نظر انداز نہیں کر سکتے۔ان کا کہنا تھا کہ طالبان رجیم نے نان اسٹیٹ ایکٹرز کو پناہ دے رکھی ہے، جو نہ صرف پاکستان بلکہ پورے خطے اور دنیا کے لیے خطرہ ہیں۔ڈی جی آئی ایس پی آر نے واضح کیا کہ پاکستان کا مسئلہ افغان عوام سے نہیں بلکہ افغان طالبان رجیم سے ہے۔ انہوں نے کہا کہ “خونریزی اور تجارت اکٹھے نہیں چل سکتے”۔ اگر فتنہ الخوارج پاکستانی ہیں تو افغان حکام انہیں پاکستان کے حوالے کریں۔ترجمان کا کہنا تھا کہ پاکستان کا مؤقف واضح ہے کہ افغان طالبان رجیم دہشتگردوں کی سہولت کاری بند کرے تاکہ خطے میں امن و استحکام ممکن ہو سکے