پیپلز پارٹی کشمیر کے الیکشن میں دھاندلی کررہی ہے، عظمیٰ بخاری کا الزام

پنجاب کی وزیر اطلاعات عظمیٰ بخاری نے کہا ہے کہ حکومت پنجاب نے مون سون کے دوران بارشی پانی کی بروقت نکاسی کے لیے مؤثر حکمت عملی اختیار کی، جس کے باعث لاہور میں 450 ملی میٹر بارش کے باوجود شہری علاقوں میں پانی کھڑا نہیں ہونے دیا گیا۔ لاہور میں پریس کانفرنس کرتے ہوئے انہوں نے بتایا کہ صوبے بھر میں 189 کلومیٹر واٹر ڈرینز، 27 نئے ڈسپوزل اسٹیشنز کی تعمیر اور 59 کی استعداد بڑھائی جا رہی ہے جبکہ واسا کو 969 نئی مشینیں فراہم کی گئی ہیں۔ عظمیٰ بخاری نے بتایا کہ لٹکتی تاروں کو زیر زمین منتقل کرنے کے ساتھ ساتھ “محفوظ چھت پروگرام” کے تحت گھر کی تعمیر کے لیے 10 لاکھ روپے تک مالی معاونت فراہم کی جا رہی ہے۔ انہوں نے آزاد کشمیر کے انتخابات پر گفتگو کرتے ہوئے کہا کہ میرپور کے عوام نے احتجاج کی کالز مسترد کر کے ووٹ ڈالنے کو ترجیح دی اور وہ بھی پنجاب طرز کی ترقی چاہتے ہیں۔