امریکا سے جنگ ختم کرنے کیلئے مذاکرات کی درخواست نہیں کی: ایران

ایران کی وزارتِ خارجہ نے امریکہ کے ساتھ جنگ بندی کے لیے کسی بھی قسم کے مذاکرات کی درخواست کی تردید کرتے ہوئے کہا ہے کہ جنگ یا امن کا فیصلہ ایران خود کرے گا۔ ترجمان ایرانی وزارتِ خارجہ اسماعیل بقائی نے ہفتہ وار پریس بریفنگ میں واضح کیا کہ امریکہ کو کبھی جنگ کا وقت طے کرنے کی اجازت نہیں دی جائے گی، واشنگٹن نے سوچا تھا کہ ایران 3 دنوں میں ہتھیار ڈال دے گا لیکن کئی ماہ گزرنے کے بعد امریکہ خود مشکلات میں گھرا ہوا ہے۔ انہوں نے کہا کہ عالمی مارکیٹ میں توانائی کی قیمتیں بڑھتے ہی امریکہ مذاکرات کی طرف آتا ہے۔ ترجمان نے مزید بتایا کہ آبنائے ہرمز کی صورتحال میں فی الحال کوئی تبدیلی نہیں آئی اور یہ بدستور بند ہے، تاہم اس کے انتظامی امو کے حوالے سے ایران اور عمان کے درمیان 2 روزہ مفید مذاکرات ہوئے ہیں جن کا امریکہ سے کوئی تعلق نہیں ہے۔