نئی مانیٹری پالیسی کا اعلان، شرح سود 11.50 فیصد پر برقرار

اسٹیٹ بینک آف پاکستان کی مانیٹری پالیسی کمیٹی کے اہم اجلاس کے بعد گورنر اسٹیٹ بینک جمیل احمد نے نئی مانیٹری پالیسی کا اعلان کرتے ہوئے شرح سود 11.50 فیصد پر برقرار رکھنے کا فیصلہ کیا ہے۔ مرکزی بینک کے مطابق 27 اپریل سے پالیسی ریٹ کو اسی سطح پر مستحکم رکھا گیا تھا، جسے آئندہ ڈیڑھ ماہ کے لیے بھی برقرار رکھا جائے گا۔ اجلاس میں ملک میں مہنگائی کی مجموعی صورتحال، معاشی اشاریوں کی رفتار اور مشرق وسطیٰ میں جاری کشیدگی کے ملکی معیشت پر ممکنہ اثرات کا تفصیلی جائزہ لینے کے بعد پالیسی ریٹ سے متعلق یہ فیصلہ کیا گیا۔