وزیراعلیٰ پنجاب کی انسپکشن ٹیموں کو سکولوں کے دورے کرنے کی ہدایت

وزیراعلیٰ پنجاب کی انسپکشن ٹیموں کے ممکنہ دوروں کے پیشِ نظر ایجوکیشن اتھارٹی نے صوبے بھر کے تمام سرکاری اسکولوں میں سیکیورٹی ہائی الرٹ کرنے کے احکامات جاری کر دیے ہیں۔ نئی ہدایات کے تحت اسکولوں کے داخلی و خارجی راستوں پر سخت نگرانی یقینی بنانے، غیر متعلقہ افراد کے داخلے پر مکمل پابندی عائد کرنے اور اسکولوں میں کام کرنے والے تمام مزدوروں کی باضابطہ تصدیق لازمی قرار دی گئی ہے۔ ایجوکیشن اتھارٹی نے تمام ہیڈ ٹیچرز اور کلاس 4 ملازمین کی 100 فیصد حاضری کی ہدایت کرتے ہوئے واضح کیا ہے کہ معائنے کے دوران کسی بھی ملازم کی غیر حاضری برداشت نہیں کی جائے گی۔ علاوہ ازیں، اسکولوں کے اندر اور اطراف میں چائلڈ لیبر کے خلاف فوری کارروائی کا حکم بھی دیا گیا ہے