یوکرین بالآخر اپنے مغربی علاقے کھو دے گا: صدر پوتن کا دعویٰ

روسی صدر ولادیمیر پوتن نے دعویٰ کیا ہے کہ یوکرین مستقبل میں اپنے مغربی علاقوں سے بھی محروم ہو جائے گا، تاہم اس عمل میں کتنا وقت لگے گا اس کا پیشگی تعین ممکن نہیں۔ روسی بحریہ کے اہلکاروں سے ملاقات کے دوران گفتگو کرتے ہوئے صدر پوتن نے کہا کہ یوکرین جلد یا بدیر اپنے وہ مغربی علاقے کھو دے گا جو ماضی میں پولینڈ، ہنگری اور رومانیہ کا حصہ تھے، اس عمل میں 1، 2، 10 یا 15 سال بھی لگ سکتے ہیں لیکن تاریخ بالآخر ہر چیز کو اپنی اصل جگہ پر لے آئے گی۔ صدر پوتن نے مزید کہا کہ روس ہی یوکرین کی علاقائی سالمیت کا واحد ضامن تھا، لیکن کیف حکومت نے روس کو اپنا دشمن قرار دینے کا غلط فیصلہ کیا۔