آئی سی سی کا ٹی 20 ورلڈکپ کے شیڈول میں تبدیلی پرغور

انٹرنیشنل کرکٹ کونسل (آئی سی سی) نے ٹی 20 ورلڈکپ کے شیڈول میں تبدیلی پر غور شروع کر دیا ہے، جس کا باعث بنگلہ دیش کرکٹ ٹیم کا بھارت میں کھیلنے سے انکار ہے۔ بھارتی میڈیا کی رپورٹس کے مطابق، بنگلہ دیش کرکٹ بورڈ نے اپنے کھلاڑیوں اور آفیشلز کی حفاظت کے خدشات کے باعث باضابطہ طور پر اعلان کیا کہ وہ اپنی ٹیم بھارت نہیں بھیجے گا۔

بی سی بی کے ترجمان کے مطابق، اس فیصلے کے پیچھے کھلاڑیوں اور آفیشلز کے تحفظ کی فکر ہے اور یہ قدم حکومت کی مشاورت کے بعد اٹھایا گیا۔ بورڈ آف ڈائریکٹرز کا ہنگامی اجلاس بھی اس معاملے پر منعقد کیا گیا تھا، جس میں یہ فیصلہ کیا گیا کہ بنگلہ دیشی ٹیم ان حالات میں بھارت کا سفر نہیں کرے گی۔