صنعا میں ممکنہ کارروائی کی تیاری، شہریوں کو مخصوص علاقے خالی کرنے کی ہدایت

سعودی عرب کی قیادت میں قائم عسکری اتحاد نے یمن کے دارالحکومت صنعا میں حوثی ملیشیا کے ٹھکانوں کے خلاف ممکنہ فوجی آپریشن سے قبل عام شہریوں کو یمنی آئل کمپنی اور سینٹرل سباحہ اسٹیشن کے اطراف کے علاقوں سے فوری انخلا کی سخت ہدایت جاری کی ہے۔ سعودی اتحاد کے ترجمان برگیڈیئر جنرل ترکی المالکی نے شہریوں سے اپیل کی کہ وہ اپنی حفاظت کے پیشِ نظر نشاندہی کیے گئے ہدف والی جگہوں سے دور چلے جائیں، جس سلسلے میں متعلقہ علاقوں کا نقشہ بھی جاری کر دیا گیا ہے۔ دوسری جانب حوثی ملیشیا کے ترجمان نے انتباہ جاری کرتے ہوئے دھمکی دی ہے کہ اگر سعودی اتحادی افواج نے صنعا پر حملہ کیا تو اس کا ریاض کو انتہائی سخت اور شدید تکلیف دہ جواب دیا جائے گا۔