ایم کیو ایم کی وزیراعظم سے ملاقات، خیبرپختونخوا سے متعلق حکومتی فیصلوں کی حمایت کا اعلان

وزیراعظم محمد شہباز شریف سے کنوینر متحدہ قومی موومنٹ اور وفاقی وزیر تعلیم ڈاکٹر خالد مقبول صدیقی کی قیادت میں ایم کیو ایم کے ایک بڑے اور اعلیٰ سطحی وفد نے وزیراعظم ہاؤس میں ملاقات کی، جس میں ملک کی مجموعی سیاسی صورتحال اور خیبرپختونخوا کے حالیہ امور پر غور کیا گیا۔ وزیراعظم نے اتحادی وفد کو خیبرپختونخوا کی صورتحال اور ایمرجنسی کے نفاذ کے پس منظر سے اعتماد میں لیتے ہوئے واضح کیا کہ کے پی کے میں عوام اور سکیورٹی فورسز کو نشانہ بنانے والے دہشت گرد گروہوں کے خلاف یہ انتہائی قدم مجبوری اور عوامی مفاد میں اٹھایا گیا۔ ملاقات کے دوران ایم کیو ایم کے رہنماؤں نے صوبے اور ملک کی سلامتی سے متعلق حکومتی فیصلوں کی مکمل حمایت کا یقین دلایا۔ اس موقع پر نائب وزیراعظم اسحاق ڈار، وزیر دفاع خواجہ آصف، وزیر قانون اعظم نذیر تارڑ اور دیگر وفاقی وزرا بھی موجود تھے۔