پاک فوج کا ہائپر سونک بیلسٹک میزائل فتح 2 ایکسٹینڈڈ رینج کا کامیاب تجربہ

پاکستان آرمی نے ہائپرسونک بیلسٹک میزائل ’فتح 2 ایکسٹینڈڈ رینج‘ (Fatah-II Extended Range) کا کامیاب تجرباتی لانچ کیا ہے۔ پاک فوج کے شعبہ تعلقات عامہ (ISPR) کے مطابق یہ میزائل دور دراز اہداف کو انتہائی درستگی کے ساتھ نشانہ بنانے اور پرواز کے دوران سمت و راستہ تبدیل کر کے دشمن کے پیچیدہ سے پیچیدہ دفاعی نظام (Air Defense Systems) کو ناکام بنانے کی منفرد صلاحیت رکھتا ہے۔ اس اہم کامیاب تجربے کا مشاہدہ کمانڈر آرمی راکٹ فورس کمانڈ، سینئر فوجیوں، سائنسدانوں اور انجینئرز نے کیا۔ صدر مملکت آصف علی زرداری، وزیراعظم شہباز شریف اور چیف آف آرمی سٹاف و چیف آف ڈیفنس فورسز جنرل سید عاصم منیر نے دفاعی صلاحیتوں میں اس تاریخی پیش رفت پر سائنسدانوں، انجینئرز اور قوم کو مبارکباد پیش کی ہے۔