بہاولپور سے ن لیگ کے نومنتخب رکن قومی اسمبلی منیر اقبال چنڑ نے حلف اٹھا لیا

ایران کی پاسدارانِ انقلاب (IRGC) کے شعبۂ سیاسی امور کے نائب سربراہ بریگیڈیئر جنرل یداللہ جوانی نے کہا ہے کہ امریکا اور اسرائیل نے سپریم لیڈر آیت اللہ علی خامنہ ای کی شہادت کے بعد ایرانی نظام کے خاتمے کی توقع لگا کر سنگین تاریخی غلطی کی۔ قطری نشریاتی ادارے الجزیرہ کو دیے گئے بیان میں پاسدارانِ انقلاب کے سینئر کمانڈر کا کہنا تھا کہ واشنگٹن انتظامیہ ایران کے اندرونی استحکام، زمینی حقائق اور بحرانوں کا مقابلہ کرنے کی صلاحیت کا درست اندازہ لگانے میں ناکام رہی۔ انہوں نے واضح کیا کہ رواں سال فروری کے آخر میں امریکا اور اسرائیل کے جوابی حملوں میں آیت اللہ علی خامنہ ای اور دیگر اہم عسکری قیادت کی شہادت کے باوجود ایرانی نظام غیر متزلزل رہا اور نئے سپریم لیڈر مجتبیٰ خامنہ ای کی قیادت میں ملک مکمل طور پر فعال اور متحد ہے۔