افتخار احمد کا دھریندھر گانے پر رقص، ’چاچا ڈکیت‘ کا لقب مل گیا

گزشتہ دنوں کھیلے گئے پریزیڈنٹ کپ گریڈ ون کا ٹائٹل خان ریسرچ لیبارٹریز (کے آر ایل) نے شاندار کارکردگی کا مظاہرہ کرتے ہوئے اپنے نام کر لیا۔ قومی کرکٹر افتخار احمد کی قیادت میں کے آر ایل کی ٹیم نے بیٹنگ اور بولنگ دونوں شعبوں میں متوازن کھیل پیش کیا۔

میچ جیتنے اور ٹرافی وصول کرنے کے بعد کپتان افتخار احمد کا جشن شائقین کی توجہ کا مرکز بن گیا۔ انہوں نے ایک متنازع بھارتی فلم کے مشہور رحمان ڈکیت اسٹائل میں رقص کیا، جس کی ویڈیو سوشل میڈیا پر تیزی سے وائرل ہو گئی۔

شائقین نے افتخار احمد کو محبت سے ’چاچا ڈکیت‘ کا لقب دے دیا، جبکہ مداحوں نے اس لمحے کو ڈومیسٹک کرکٹ کی خوشی، جذبات اور رنگا رنگی کی خوبصورت عکاسی قرار دیا۔