بانی پی ٹی آئی سے نئے سال کے موقع پر ملاقات، فہرست تیار

پاکستان تحریکِ انصاف (پی ٹی آئی) کے بانی سے نئے سال کے موقع پر ملاقات کرنے والوں کی فہرست تیار کر لی گئی ہے۔

ذرائع کے مطابق سالِ نو کے پہلے دن بانی پی ٹی آئی سے 6 دوست اڈیالہ جیل میں ملاقات کریں گے، جس کے لیے تمام ناموں کی فہرست اڈیالہ جیل حکام کو ارسال کر دی گئی ہے۔

فہرست میں ڈاکٹر امجد، صبغت اللہ، عثمان بٹانی، جمال احسان، اقبال خٹک اور شعیب امیر اعوان کے نام شامل ہیں۔

پی ٹی آئی کے سیکرٹری جنرل سلمان اکرم راجہ کی جانب سے ملاقات کرنے والوں کی فہرست جیل حکام کو بھجوائی گئی ہے۔ ذرائع کے مطابق کل جیل میں بانی پی ٹی آئی سے دوستوں کی ملاقات کا دن مقرر ہے۔