خضدار میں سکیورٹی فورسز کا آپریشن، 4 دہشت گرد جہنم واصل

پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے بلوچستان کے ضلع خضدار میں خفیہ اطلاع پر ایک کامیاب کارروائی کرتے ہوئے 4 دہشت گردوں کو جہنم واصل کر دیا ہے۔ آپریشن کے دوران دہشت گردوں کے زیرِ استعمال بارود سے بھری دو گاڑیاں بھی تباہ کر دی گئیں، جس سے کسی بڑے ممکنہ دہشت گردانہ حملے کو بروقت ناکام بنا دیا گیا۔ ترجمان پاک فوج نے مزید بتایا کہ علاقے میں مزید کسی دہشت گرد کی موجودگی کا امکان ختم کرنے کے لیے کلیئرنس آپریشن مسلسل جاری ہے۔ آئی ایس پی آر نے اپنے عزم کا اعادہ کرتے ہوئے کہا ہے کہ ملک سے دہشت گردی کے مکمل خاتمے تک سکیورٹی فورسز کی جانب سے ایسی کارروائیاں بلا تعطل جاری رہیں گی۔