نئے انتظامی یونٹس ہی مسائل کا حل، معاملہ عوام کے پاس لے جانا ہوگا: محسن نقوی

وفاقی وزیرِ داخلہ محسن نقوی نے ‘پاکستان فرسٹ اکنامک سمٹ 2026‘ سے خطاب کرتے ہوئے زور دیا ہے کہ پاکستان میں درپیش مسائل کا واحد پائیدار حل نئے انتظامی یونٹس اور صوبوں کی تشکیل ہے اور اس معاملے کو عوامی سطح پر لانا ہو گا۔ انہوں نے کہا کہ موجودہ انتظامی اور سیاسی نظام معطل (کولیپس) ہو چکا ہے جس کی بنیادی اصلاحات اور ‘ری سیٹ’ ناگزیر ہیں۔ محسن نقوی نے واضح کیا کہ محض نوجوانوں کو لیپ ٹاپ یا ٹیبلیٹ دینے سے مسائل حل نہیں ہوں گے بلکہ وہ روزگار اور اپنے حقوق چاہتے ہیں؛ اگر نوجوان نسل منظم ہو گئی تو سب کچھ الٹ سکتی ہے۔ انہوں نے بزنس کمیونٹی کو سیاست اور پالیسی سازی میں متحرک کردار ادا کرنے کی دعوت دیتے ہوئے کہا کہ تمام سیاسی جماعتوں کو ایک میز پر بیٹھ کر نئے صوبوں اور ملکی استحکام کے لیے یکسو ہونا پڑے گا۔