ترک وزیر خارجہ کی حماس کے نئے سربراہ خلیل الحیہ سے ملاقات، امن مذاکرات پر زور

ترکی کے وزیرِ خارجہ ہاکان فیدان نے حماس کے نئے سربراہ خلیل الحیہ اور ان کے اعلیٰ سطحی وفد سے اہم ملاقات کی ہے، جس میں غزہ کی صورتحال، امن کوششوں اور انسانی امداد سے متعلق امور پر تفصیلی گفتگو کی گئی۔ ترک خبر ایجنسی کے مطابق ہاکان فیدان نے خلیل الحیہ کو حماس کی قیادت سنبھالنے پر مبارکباد اور نیک تمناؤں کا پیغام دیا، جبکہ خلیل الحیہ نے واضح کیا کہ حماس امن مذاکرات میں مسلسل تعمیری اور مثبت رویہ اپنائے ہوئے ہے۔ اس موقع پر ترک وزیرِ خارجہ نے اعادہ کیا کہ انقرہ فلسطینی عوام کی جائز جدوجہد کی مکمل حمایت کرتا ہے اور ترکی غزہ تک بلا تعطل انسانی امداد کی فراہمی اور خطے میں پائیدار امن کے سفارتی عمل کے لیے تمام تر کوششیں جاری رکھے گا۔