پٹرول اور ڈیزل کی قیمت میں ایک بار پھر اضافہ، نوٹیفکیشن جاری

حکومت نے پٹرولیم مصنوعات کی نئی قیمتوں کا باضابطہ اعلان کر دیا ہے۔ پٹرولیم ڈویژن کی جانب سے جاری کردہ نوٹیفکیشن کے مطابق پٹرول کی قیمت میں ایک روپے 9 پیسے فی لٹر اضافہ کیا گیا ہے، جس کے بعد اس کی نئی قیمت 336 روپے 15 پیسے فی لٹر ہو گئی ہے۔ دوسری جانب ہائی سپیڈ ڈیزل کی قیمت میں 2 روپے 42 پیسے فی لٹر کا اضافہ کیا گیا ہے، جس کے بعد ڈیزل کی نئی قیمت 393 روپے 4 پیسے فی لٹر مقرر کر دی گئی ہے۔

نوٹیفکیشن میں واضح کیا گیا ہے کہ نئی قیمتوں کا تعین اائل اینڈ گیس ریگولیٹری اتھارٹی (اوگرا) کی سفارشات پر کیا گیا ہے، جو آج رات 12 بجے سے لے کر کل رات 12 بجے تک نافذ العمل رہیں گی۔ واضح رہے کہ اس سے قبل حکومت کی جانب سے پٹرول کی قیمت میں 75 پیسے فی لٹر کمی جبکہ ہائی سپیڈ ڈیزل کی قیمت میں 2 روپے 24 پیسے فی لٹر کا اضافہ کیا گیا تھا۔