اسحاق ڈار اور سعودی وزیر خارجہ کا رابطہ، علاقائی اور عالمی صورتحال پر تبادلہ خیال

نائب وزیراعظم و وزیرِ خارجہ اسحاق ڈار نے سعودی وزیرِ خارجہ شہزادہ فیصل بن فرحان سے ٹیلی فون پر رابطہ کیا ہے، جس کے دوران دونوں رہنماؤں نے علاقائی و عالمی صورتحال سمیت بحیرہ احمر اور آبنائے باب المندب کی حالیہ پیش رفت پر تفصیلی تبادلہ خیال کیا۔ ترجمان دفترِ خارجہ کے مطابق گفتگو میں فلسطین کی سنگین انسانی صورتحال کا جائژہ لیا گیا اور اس اہم مسئلے پر غور کے لیے عرب اور اسلامی ممالک کا مشترکہ اجلاس بلانے کی تجویز کا خیرمقدم کیا گیا۔ دونوں وزرائے خارجہ نے پاکستان اور سعودی عرب کے درمیان باہمی رابطے اور مشاورت کا سلسلہ جاری رکھنے کے عزم کا اعادہ کیا۔