راحت فتح علی خان کی بیٹی کی مہندی کی تصاویر وائرل

عالمی شہرت یافتہ پاکستانی کلاسیکل اور غزل گائیک استاد راحت فتح علی خان ان دنوں اپنی بیٹی ماہین خان کی شادی کی وجہ سے خبروں میں ہیں۔ ماہین خان کی شادی کی تقریبات کا باقاعدہ آغاز مایوں کی تقریب سے ہوا، جو رخصتی کے ساتھ اختتام پذیر ہوئیں۔

چند روز قبل ماہین خان کا نکاح لاہور میں ایک خوبصورت اور نجی تقریب میں انجام پایا، جس میں راحت فتح علی خان اور ان کے اہلِ خانہ خوشی سے جھومتے نظر آئے۔ اس موقع پر قریبی رشتہ داروں اور دوستوں نے شرکت کی۔

لاہور میں منعقد ہونے والی روایتی مایوں کی تقریب کی تصاویر سوشل میڈیا پر وائرل ہوئیں، جن پر بعض صارفین کی جانب سے ماہین خان کے لباس کے انتخاب پر تنقید بھی کی گئی۔ تاہم اب ان کی مہندی کی تقریب کی تصاویر اور ویڈیوز بھی سامنے آ گئی ہیں، جو سوشل میڈیا پر تیزی سے وائرل ہو رہی ہیں اور مداحوں کی توجہ کا مرکز بنی ہوئی ہیں۔

شادی کی ان تقریبات پر شوبز اور موسیقی سے وابستہ شخصیات سمیت مداحوں کی جانب سے ماہین خان کے لیے نیک تمناؤں کا اظہار کیا جا رہا ہے