معروف اداکارہ نے بھارتی فلم انڈسٹری کا سیاہ چہرہ بے نقاب کردیا

معروف بنگالی و بالی ووڈ اداکارہ رت بھری چکرورتی نے ایک انٹرویو کے دوران فلمی صنعت کی خوبصورتی کے معیار اور وزن بڑھنے کے باعث درپیش مشکلات پر کھل کر گفتگو کی ہے۔ اداکارہ کے مطابق سرجریز اور ایک فلمی کردار کی ضرورت کے تحت 15 کلو وزن بڑھانے پر انہیں سوشل میڈیا کی تنقید اور متعدد فلموں سے محرومی کا سامنا کرنا پڑا۔ انہوں نے انکشاف کیا کہ ماضی میں خود کو دبلا رکھنے کے لیے وہ شوٹنگ سے قبل پانی تک پینا چھوڑ دیتی تھیں اور 10 دن تک کاربوہائیڈریٹس سے پرہیز کرتی تھیں۔ تاہم، 2024 میں گھر خریدنے کے بعد سانس پھولنے کے واقعے نے ان کی سوچ بدل دی، جس کے بعد انہوں نے ماہرِ غذائیت کی مدد سے صحت مند طرزِ زندگی اپنایا۔ واضح رہے کہ ‘پری’ اور ‘فٹافٹی’ جیسے کامیاب پروجیکٹس کرنے والی اداکارہ اداکاری کے ساتھ پروڈکشن اور رائٹنگ میں بھی فعال ہیں۔