سعودی عرب کی آبنائے ہرمز میں سعودی آئل ٹینکر پر ایرانی حملے کی مذمت

سعودی عرب نے آبنائے ہرمز سے گزرنے والے اپنے پرچم بردار آئل ٹینکر پر ایران کے حملے کی شدید الفاظ میں مذمت کی ہے، جس کے نتیجے میں عملے کے 2 فلپائنی ارکان ہلاک ہو گئے۔ سعودی وزارتِ خارجہ نے واقعے پر شدید تشویش کا اظہار کرتے ہوئے اردن، بحرین اور کویت کو نشانہ بنانے والی ایرانی کارروائیوں کی بھی مذمت کی اور ان ممالک کے ساتھ مکمل یکجہتی کا اعادہ کیا۔ ریاض نے واضح کیا کہ وہ ان برادر ممالک کی سلامتی اور خودمختاری کے دفاع کے لیے اٹھائے جانے والے تمام اقدامات کی حمایت کرتا ہے۔ بیان میں عالمی توانائی کی فراہمی، بین الاقوامی بحری آمدورفت کے تحفظ اور اقوامِ متحدہ کے منشور کے تحت ریاستوں کی خودمختاری کے احترام کی ضرورت پر زور دیتے ہوئے خطے میں فوری طور پر کشیدگی روکنے کا مطالبہ کیا گیا۔