سیکورٹی خدشات کے باعث ضلع ٹانک میں کرفیو نافذ

سیکیورٹی خدشات کے پیشِ نظر خیبر پختونخوا کے ضلع ٹانک اور تحصیل جنڈولہ میں کرفیو نافذ کر کے تمام داخلی و خارجی راستوں کو مکمل طور پر سیل کر دیا گیا ہے۔ انتظامیہ کی جانب سے اٹھائے گئے اس اقدام کے باعث ٹانک کا دیگر اضلاع اور صوبوں سے رابطہ منقطع ہو گیا ہے، جبکہ جنوبی وزیرستان، وانا، جنڈولہ، بنوں اور ڈیرہ اسماعیل خان کی اہم شاہراہیں ہر قسم کے ٹریفک کے لیے بند کر دی گئی ہیں۔ مقامی حکام نے شہریوں کو اپنی نقل و حرکت محدود رکھنے کی سخت ہدایت کی ہے اور اعلان کیا ہے کہ سیکیورٹی صورتحال کو مدنظر رکھتے ہوئے کرفیو شام 6 بجے تک برقرار رہے گا۔