شادی کی تقریب میں حملہ: ایرانی ہلال احمر سوسائٹی کا تحقیقات کیلئے عالمی عدالت سے رجوع

ایران کی ہلالِ احمر سوسائٹی نے جنوبی صوبے ہرمزگان میں شادی کی تقریب پر امریکی میزائل حملے کی آزادانہ تحقیقات کے لیے عالمی فوجداری عدالت (ICC) سے باضابطہ رجوع کر لیا ہے۔ ایرانی حکام کے مطابق سیرک کاؤنٹی کے شہر کوہستک میں ایک رہائشی عمارت پر امریکی حملے اور شیلنگ کی زد میں آنے سے بچے سمیت کم از کم 5 افراد شہید اور 65 زخمی ہوئے۔ ایرانی ہلالِ احمر نے مؤقف اختیار کیا ہے کہ اگر تحقیقات میں یہ ثابت ہو جاتا ہے کہ موقع پر کوئی عسکری ہدف موجود نہیں تھا اور نشانہ بننے والے تمام افراد عام شہری تھے، تو یہ کارروائی بین الاقوامی قانون کے تحت جنگی جرم شمار کی جائے گی۔ ایران نے عالمی عدالت سے واقعے کے تمام شواہد محفوظ کرنے اور غیر جانب دارانہ تحقیقات کا مطالبہ کیا ہے۔