جرمنی میں ڈرون حملے کی کوشش، یورپی یونین کا روس پر دباؤ بڑھانے کا اعلان

جرمنی کے ایئرپورٹ پر دھماکہ خیز مواد سے لیس ڈرون کی برآمدگی اور حملے کی کوشش کے بعد یورپی یونین نے روس پر دباؤ مزید بڑھانے کا اعلان کیا ہے۔ یورپی کمیشن کی صدر ارسلا فان ڈیر لائن نے نیٹو سیکرٹری جنرل مارک روٹے سے ملاقات کے بعد کہا کہ یورپ اور نیٹو ماسکو کے خلاف نئی اقتصادی پابندیاں عائد کرنے کے علاوہ اپنے اقدامات کو سخت کریں گے اور جب تک روس یوکرین پر بمباری بند نہیں کرتا یہ سلسلہ جاری رہے گا۔ جرمنی نے اس واقعے کو روس کی ہائبرڈ جنگ کا حصہ قرار دیتے ہوئے الزام عائد کیا ہے کہ اس کا مقصد یورپی ممالک میں خوف پھیلانا ہے، جبکہ یورپی حکام نے واضح کیا کہ روس کی اس بے باکی کا مؤثر اور تیز رفتار جواب دیا جائے گا۔ تاہم، روس نے ان تمام الزامات کی تردید کی ہے۔