امریکی حملوں میں 19 افراد شہید، 108 زخمی ہوئے: ایرانی وزیر صحت کی تصدیق

ایران کے وزیر صحت محمد رضا ظفر قندی نے بتایا ہے کہ پیر اور منگل کی درمیانی شب مختلف ایرانی صوبوں میں ہونے والے امریکی حملوں کے نتیجے میں 19 افراد شہید اور 108 زخمی ہو گئے ہیں۔ ان حملوں کو 40 روزہ جنگ کے بعد امریکہ کے شدید ترین حملوں میں سے ایک قرار دیا جا رہا ہے، جس میں ایک شادی کی تقریب کو بھی نشانہ بنایا گیا جہاں خاتون اور بچے سمیت 5 افراد شہید اور 65 زخمی ہوئے۔ طبی حکام کے مطابق سیرک کے پہاڑی علاقے اور صوبہ خوزستان کے شہروں اہواز اور آغا جاری میں مختلف مقامات پر حملوں سے جانی نقصان ہوا، جبکہ پاسدارانِ انقلاب (IRGC) نے تصدیق کی ہے کہ صوبہ کرمانشاہ میں ایرو اسپیس فورس کے 4 اور لاوان جزیرے پر بسیج فورسز کے 3 اہلکار بھی شہید ہوئے ہیں۔