روس خفیہ طور پر ایران کو جدید سپر سونک کروز میزائل تیار کرنے میں مدد دے رہا: برطانوی میڈیا

برطانوی اخبار ‘فنانشل ٹائمز’ کی ایک سنسنی خیز رپورٹ کے مطابق روس خفیہ طور پر ایران کو جدید سپرسونک کروز میزائل تیار کرنے کے لیے ریم جیٹ (Ramjet) ٹیکنالوجی فراہم کر رہا ہے۔ رپورٹ میں انکشاف کیا گیا ہے کہ ‘C430L’ کوڈ نیم سے 2023 میں شروع ہونے والے اس پروگرام میں روس کے تجربہ کار میزائل ماہرین شامل ہیں، تاکہ ایران کو آواز سے کئی گنا تیز رفتار میزائل تیار کرنے کے قابل بنایا جا سکے۔ امریکہ اور اسرائیل کی ایران کے ساتھ حالیہ جنگی کشیدگی کے باوجود یہ پروگرام جاری رہا۔ سپرسونک کروز میزائل کم بلندی اور انتہائی تیز رفتاری سے پرواز کرنے کی صلاحیت رکھتے ہیں، جس کے باعث امریکی اور اتحادی دفاعی نظاموں کے لیے انہیں روکنا مشکل ہو جاتا ہے، جو خطے بالخصوص خلیج میں دفاعی توازن کو شدید متاثر کر سکتا ہے۔