اسٹاک ایکسچینج،کاروباری ہفتے کا مثبت اختتام،104ارب منافع

پاکستان اسٹاک ایکسچینج میں کاروباری ہفتے کے آخری روز بھرپور خریداری دیکھی گئی، جس کے نتیجے میں بینچ مارک کے ایس ای 100 انڈیکس ریکارڈ سطح 172,400.73 پوائنٹس پر بند ہوا۔ اس دوران سرمایہ کاروں کو تقریباً 104 ارب روپے کا منافع ہوا اور سرمائے کا مجموعی حجم بڑھ کر 19,464 ارب روپے ہو گیا۔

ٹریڈنگ کے دوران 100 انڈیکس ایک موقع پر 172,582.95 پوائنٹس تک پہنچ گیا، تاہم کاروبار کے آخری سیشن میں معمولی کمی دیکھی گئی۔ اسی طرح کے ایس ای 30 انڈیکس 56۴ پوائنٹس کے اضافے سے 52,734 پوائنٹس اور آل شیئر انڈیکس 561 پوائنٹس کے اضافے سے 103,486 پوائنٹس پر بند ہوا۔