پاکستان سٹاک مارکیٹ میں آج کاروبار کے دوران مثبت رجحان

پاکستان اسٹاک مارکیٹ میں ہفتے کے دوسرے کاروباری روز کے آغاز پر ہی زبردست مثبت رجحان اور شدید تیزی دیکھنے میں آئی ہے۔ کاروبار کے شروع میں کے ایس ای-100 انڈیکس میں 1,300 سے زائد پوائنٹس کا یکمشت اضافہ ریکارڈ کیا گیا، جس کے نتیجے میں انڈیکس 1 لاکھ 64 ہزار 368 پوائنٹس کی نئی تاریخی سطح پر پہنچ گیا۔ واضح رہے کہ گزشتہ کاروباری دن کے اختتام پر اسٹاک ایکسچینج میں ہنڈرڈ انڈیکس 1 لاکھ 63 ہزار 38 پوائنٹس کی سطح پر بند ہوا تھا، تاہم نئی تیزی نے سرمایہ کاروں کے اعتماد کو مزید تقویت بخشی ہے۔