سٹاک مارکیٹ میں اتار چڑھاؤ، ہنڈرڈ انڈیکس مثبت زون میں بند ہوا

پاکستان اسٹاک ایکسچینج میں ہفتے کے پہلے کاروباری روز ٹریڈنگ کا ملا جلا رجحان رہا، جہاں ابتدائی مندی کے بعد مارکیٹ مثبت زون میں بند ہونے میں کامیاب رہی۔ روزمرہ کے آغاز پر 1000 سے زائد پوائنٹس کی بڑی کمی کے ساتھ ہنڈرڈ انڈیکس ایک لاکھ 61 ہزار 250 پوائنٹس کی سطح پر آ گیا تھا، تاہم دن بھر اتار چڑھاؤ کے بعد سیشن کے اختتام پر انڈیکس 663 پوائنٹس کے اضافے سے 1 لاکھ 63 ہزار 38 کی سطح پر بند ہوا۔ یاد رہے کہ گزشتہ کاروباری ہفتے کے آخری روز بھی مارکیٹ میں مندی کا رجحان غالب رہا تھا اور انڈیکس 1549 پوائنٹس کی کمی پر بند ہوا تھا۔