امریکا بار بار وعدہ خلافی کرتا، سفارتکاری بارے واشنگٹن کا رویہ نامناسب ہے: ایران

ایران نے اسلام آباد مفاہمتی یادداشت (Islamabad MoU) کو مسترد کرنے اور اسے وقت کا ضیاع قرار دینے پر امریکی صدر ڈونلڈ ٹرمپ کو شدید تنقید کا نشانہ بنایا ہے۔ سماجی رابطے کی ویب سائٹ ایکس (X) پر جاری ایک بیان میں ایرانی وزارتِ خارجہ کے ترجمان اسماعیل بقائی نے کہا کہ امریکی صدر کا یہ اعتراف واشنگٹن کے عالمی سفارتی وعدوں کی کھوکھلی حقیقت کو ظاہر کرتا ہے۔ ان کا کہنا تھا کہ امریکہ بار بار اپنے وعدوں سے منحرف ہوتا ہے اور بین الاقوامی ذمہ داریوں کو نظر انداز کرتا ہے۔ اسماعیل بقائی نے یورپی ممالک کو بھی تنقید کا نشانہ بناتے ہوئے کہا کہ وہ امریکہ کو جواب دہی سے بچا رہے ہیں، حالانکہ بین الاقوامی معاہدوں اور وعدوں کی خلاف ورزی کا کوئی جواز پیش نہیں کیا جا سکتا۔