ملکی زرمبادلہ ذخائر میں اضافہ، ساڑھے 21 ارب ڈالر تک پہنچ گئے

گورنر اسٹیٹ بینک نے واضح کیا ہے کہ پاکستان کے زرمبادلہ کے ذخائر بڑھ کر ساڑھے 21 ارب ڈالر کی سطح تک پہنچ گئے ہیں، جو کہ عالمی بینچ مارک کے برابر ہے، جبکہ آنے والے دنوں میں اس میں مزید بہتری لائی جائے گی۔ اپنے بیان میں انہوں نے پیشگوئی کی کہ زرمبادلہ کے ذخائر جاری سال دسمبر تک 23 ارب ڈالر اور آئندہ سال تک 25 ارب ڈالر کے ہدف کو حاصل کر لیں گے۔ گورنر نے مزید بتایا کہ اس وقت ملک کا مجموعی غیر ملکی قرضہ 107 ارب ڈالر ہے، جس پر اب تک تقریباً 11 ارب ڈالر کی سود کی ادائیگی کی جا چکی ہے۔