عالمی و مقامی سطح پر سونے اور چاندی کی قیمتوں میں ریکارڈ اضافہ

پاکستانی مارکیٹ میں سونے کی قیمتوں میں ایک بار پھر اضافہ ریکارڈ کیا گیا، جس کے بعد عالمی اور مقامی دونوں مارکیٹوں میں سونا تاریخ کی بلند ترین سطح پر پہنچ گیا۔

تفصیلات کے مطابق 24 قیراط فی تولہ سونے کی قیمت میں 500 روپے کا اضافہ ہوا اور یہ پہلی بار 4 لاکھ 73 ہزار 362 روپے فی تولہ کی تاریخی سطح تک جا پہنچی۔ اسی طرح 10 گرام سونے کی قیمت 429 روپے بڑھ کر پہلی بار 4 لاکھ 05 ہزار 831 روپے تک پہنچ گئی۔

چاندی کی قیمتوں میں بھی نمایاں اضافہ دیکھا گیا، 24 قیراط فی تولہ چاندی 240 روپے مہنگی ہو کر پہلی بار 7 ہزار 945 روپے کی ریکارڈ سطح پر پہنچ گئی۔

بین الاقوامی مارکیٹ میں فی اونس سونے کی قیمت میں 5 ڈالر کا اضافہ ریکارڈ کیا گیا، جس کے بعد عالمی قیمت پہلی بار 4 ہزار 510 ڈالر فی اونس کی نئی بلند سطح پر پہنچ گئی۔