حکومت نے رواں مالی سال کے پہلے پانچ ماہ میں 858 ارب روپے قرض لے لیا

دستاویزات کے مطابق صرف نومبر میں حکومت نے 144 ارب روپے کا قرض حاصل کیا، جبکہ گزشتہ مالی سال کے اسی عرصے میں مجموعی طور پر 741 ارب روپے قرض لیا گیا تھا۔ اس طرح رواں مالی سال جولائی سے نومبر کے دوران گزشتہ سال کے مقابلے میں 117 ارب روپے زائد قرض لیا گیا ہے۔

رپورٹ کے مطابق نومبر میں اکتوبر 2025 کے مقابلے میں 4 کروڑ ڈالر اضافی قرض حاصل ہوا، جس میں 31 کروڑ 45 لاکھ ڈالر باہمی اور کثیرالجہتی معاہدوں کے تحت لیے گئے، جبکہ 19 کروڑ 69 لاکھ ڈالر نئے پاکستان سرٹیفکیٹس بھی جاری کیے گئے۔اعداد و شمار کے مطابق جولائی میں 198 ارب روپے، اگست میں 192 ارب روپے، ستمبر میں 124 ارب روپے اور اکتوبر میں 133 ارب روپے کا قرض لیا گیا۔اقتصادی امور ڈویژن کی رپورٹ میں بتایا گیا ہے کہ قرضوں میں یہ اضافہ حکومتی مالی ضروریات اور جاری منصوبوں کی تکمیل کے لیے کیا گیا ہے۔