پاکستان نے جنوبی افریقا کے خلاف پہلا ون ڈے میچ سنسنی خیز مقابلے کے بعد دو وکٹوں سے جیت کر تین میچوں کی سیریز میں ایک صفر کی برتری حاصل کر لی۔ دوسرا ون ڈے کل فیصل آباد ہی میں کھیلا جائے گا، جبکہ قومی ٹیم آج آرام کرے گی۔

پہلے ون ڈے میں جنوبی افریقا کی ٹیم دو سو تریسٹھ رنز پر آؤٹ ہوئی۔ پاکستان کی جانب سے ابرار احمد اور نسیم شاہ نے شاندار بولنگ کرتے ہوئے تین تین وکٹیں حاصل کیں، جبکہ صائم ایوب نے دو کھلاڑیوں کو آؤٹ کیا۔

دو سو چونسٹھ رنز کے ہدف کے تعاقب میں پاکستان کی اننگز کا آغاز پراعتماد تھا، تاہم بابر اعظم صرف سات رنز بنا کر آؤٹ ہو گئے۔ فخر زمان نے پینتالیس رنز کی مفید اننگز کھیلی، جبکہ محمد رضوان اور آغا سلمان نے نصف سنچریاں بنا کر ٹیم کو فتح کے قریب پہنچایا۔پاکستان نے ہدف دو گیندیں قبل حاصل کر کے شائقین کو یادگار فتح دی۔ قومی ٹیم اب کل ہونے والے دوسرے ون ڈے میں سیریز اپنے نام کرنے کے عزم کے ساتھ میدان میں اترے گی